Sheebah Karungi yavuze ko Cindy Sanyu rimwe na rimwe yiyemera bikabije, kandi ko nta mpamvu afite yo guhora kumwereka ko amurusha kuririmba.
Podcast ya Sheebah iri kuvugisha benshi ndetse ikaba nanengwa na bamwe, Sheebah yongeye kuvuga ku mubano we utifashe neza hagati ye na Cindy Sanyu.
Sheebah yanagarutse ku gitaramo bahanganiye muri 2023, aho yavuze ko ari we wazanye igitekerezo ndetse akanangenzura hafi yabyo byagikorewemo.
Yagize ati: “Ni njye wazanye igitekerezo cy’iyi ntambara (battle). Igitekerezo, icyiciro (stage), buri kantu kose, ndetse no kuganira na we, byose ninjye wari ubirinyuma.”
Nubwo yavuze ko yubaha Cindy kubera yifitemo impano ndetse ikamugira umuntu ukomeye mu muziki, ariko Sheebaha yavuze ko ikibazo ari uko rimwe na rimwe Cindy yiyemera bikabije.
Ati: “Twese tuzi ko Cindya ari umuririmbyi mwiza kandi w’umuhanga. Ariko nta mpamvu yo kubonyereka cyagwa ngo abihamye. Ese ubundi kuki abayifuza kubinyereka?”
Sheebah yavuze ko yemera ko Cindy ashobora kuba amurusha kuririmba, ariko agashimangira ko hari byinshi atamurusha.
Yashoje agira ati: “Azi neza ko andusha kuririmba. Ariko nanjye murusha imishinga (business), amahirwe, abafana, imibare y’indirimbo ndetse no kwamamara (hits). Aho ntabwo yandusha.”
Aya magambo yongeye gukurura impaka hagati y’abakunzi b’aba bahanzikazi bamaze igihe badacana uwaka.
