Sheilah Gashumba yatangaje ko inkuru zimuvugwaho ko yaba atwite inda ya mezi atatu ari ibinyoma, avuga ko ubwo yari TikTok Live ibyo yavuze yari agamije gutera urwenya gusa.
Mu minsi ishize, Sheilah yakunze kugaragara mu ruhame ari kumwe n’umukunzi we mushya, ndetse mu kiganiro aherutse gukora kuri YouTube yavuze ko urukundo rwabo bombi rumeze neza.
Mu ijoro ryo ku wa Gatatu, ari kuri TikTok Live n’inshuti ye Sheena Holm, Sheilah yavuze ko “ari gutekereza ku mwana” bisobanuye ko ashobora kuba atwite koko.
Yagize ati: “Hari umbajije igihe nzabyarira. Bantu banjye, ndatwite. Mfite inda ya’mezi atatu. Nzabyara mu bihe biri mbere, munsabire. Mfite umwana uri mu nda.”
Icyakora, aya magambo ntiyari ukuri. Kuri uyu wa Kane mu gitondo, Sheilah yituye kujya kurubuga rwe rwa X (Twitter), avuguruza ibyo yari yavuze nijori. Avuga ko byari urwenya gusa.
Yanditse ati: “Ari magmbo navuze kuri TikTok, ntabwo ari ukuri niganiriraga gusa, mutuze.”
Aya makuru yari yatunguye benshi, ndetse bamwe bari bamaze gutangira kumwifuriza amahirwe masa kuba umubyeyi, mbere y’uko asobanura ukuri kwabyo.
