Umuhanzikazi w’icyamamare mu njyana ya dancehall, Spice Diana, yatangaje ko yamaze kuvugana n’umuhanzikazi wo muri Uganda nyuma yo kubona abafana babo babahuza kenshi mu gihe cyo kwamamaza igitaramo ateganya gukorera i Kampala.
Mu kiganiro yagiranye na NBS After 5, Spice yavuze ko yatangiye gutekereza kuvugana n’uwo muhanzikazi nyuma yo kubona uko abafana bakomeje kubahuza ku mbuga nkoranyambaga.
Yagize ati: “Yego, ntekereza ko namwandikiyeho ubutumwa (DM) mbere, kuko igihe batangiraga kwamamaza igitaramo, abantu benshi bakomezaga kumuhuza nanjye, bityo ndamwandikira nti ‘Hey mushiki wanjye, ntegereje kuzahura nawe.’”
Aya magambo agaragaza ko Spice atari azi gusa uwo muhanzikazi wo muri Uganda, ahubwo ko banatangiye kugirana umubano mbere y’uko ahagera.
Spice ategerejwe gutaramira i Kampala ku wa 9 Gicurasi, aho azaririmbira ku kibuga kizwi cyane cya Lugogo Cricket Oval, gisanzwe cyakira ibitaramo bikomeye muri Uganda.
Nyuma y’ibi, abafana batangiye kuvuga ko bishoboka ko aba bahanzi bombi bashobora no gukorana indirimbo, cyane ko ubu bamaze kuvugana mbere y’igitaramo.
