Urupfu rwa Alexei Navalny rwongeye kugarura mu biganiro izina ry’ikinyabutabire gikomeye cyane kizwi nka epibatidine uburozi busanzwe buboneka ku ruhu rw’imitubu imwe na imwe yo muri Amerika y’Epfo.
Raporo zaturutse mu Bwongereza no mu bindi bihugu by’u Burayi zivuga ko mu bipimo byafashwe ku murambo wa Navalny hagaragaye ibimenyetso bya epibatidine, ikinyabutabire kizwiho ubukana bukabije.
U Burusiya bwo bwahakanye ayo makuru, buvuga ko ari ibinyoma. Epibatidine ni iki? Epibatidine ni alkaloid y’umwimerere iboneka ku ruhu rw’imitubu izwi nka Anthony’s poison arrow frog na Phantasmal poison frog, iboneka cyane muri Ecuador na Peru.
Abashakashatsi bagaragaje ko ubu burozi bukaze inshuro zirenga 200 kurusha morphine mu kugabanya ububabare. Icyakora, nubwo bwigeze kwigwa nk’umuti ushobora gufasha abarwayi bafite uburibwe bukabije, ntibwigeze bwemererwa gukoreshwa mu buvuzi kubera ubukana bwabwo n’ingaruka zishobora guteza urupfu mu kanya gato.
Bukora bute mu mubiri?
Epibatidine ikora ku duce twakira ubutumwa mu myakura (nervous system), cyane cyane ku byitwa nicotinic acetylcholine receptors.
Iyo yinjiye mu mubiri ku rugero rurenze urugero, ishobora: Guteza kugagara (seizures)Guhungabanya imikorere y’imikayaGutera umutima gukora buhoro cyane.
Guteza guhagarara k’ubuhumekero
No guteza urupfu bitewe no kubura umwuka Inzobere mu by’uburozi zivuga ko umuntu wahumetse cyangwa winjije mu mubiri uru rwego rw’uburozi ashobora gupfa mu gihe gito cyane, bitewe n’uko rwangiza imikorere y’imyakura igenzura ubuhumekero.
Kuki bufatwa nk’imbonekarimwe?
ubu burozi ntibuboneka henshi ku isi. Imitubu ibukora ibasha kubukora bitewe n’imirire yihariye irimo udukoko dutanga alkaloids.
Iyo iyo mirire ihindutse, uburozi ku ruhu rwayo buragabanuka cyangwa bugacika burundu.
Abashakashatsi bavuga ko kubona epibatidine y’umwimerere ku mutubu wo mu gasozi bisaba ibisabwa byihariye cyane. Ni
yo mpamvu benshi bemera ko mu gihe bwakoreshwa mu kuroga umuntu, bushobora kuba bwakozwe muri laboratwari aho gukurwa ku mutubu mu buryo busanzwe. Impaka ku rupfu rwa Navalny Ibihugu bimwe by’u Burayi byatangaje ko ari leta y’u Burusiya yonyine yari ifite ubushobozi, impamvu n’uburyo bwo gukoresha ubu burozi bukomeye. Ariko
Kremlin yahakanye ayo makuru, ivuga ko ari propaganda igamije kuyisebya. Umuryango wa Navalny na wo wakomeje gushimangira ko yapfuye azize kurogerwa, mu gihe ubuyobozi bw’u Burusiya bwatangaje ko yapfuye urupfu rusanzwe.
Nubwo impaka za politiki zikomeje, inkuru ya epibatidine yibutsa isi ko hari ibinyabutabire karemano bishobora kuba imiti ikomeye cyangwa uburozi bukaze, bitewe n’uko bikoreshejwe. Mu rwego rw’ubuzima, iyi ni isomo rikomeye ku mbaraga z’ibinyabutabire bimwe na bimwe n’ingaruka zabyo ku mubiri w’umuntu.
