Ishami ry’Umuryango w’Abibumbye ryita ku Buzima (OMS) ryatangaje ko ingabo za Israeli zagabye ibitero ku icumbi ry’abakozi baryo n’ububiko bukuru bwari i Deir al-Balah, mu Majyepfo ya Gaza, ku wa Mbere, tariki 21 Nyakanga 2025.
OMS ivuga ko ibyo bitero byabangamiye bikomeye imikorere yayo muri Gaza, aho ibikorwa by’ubutabazi bikomeje guhura n’imbogamizi zikomeye.
Ibisasu byarashwe ku cyicaro cya OMS inshuro eshatu. Byateje inkongi n’iyangirika rikomeye, bigira ingaruka ku bakozi n’imiryango yabo barimo n’abana.
OMS yavuze ko ingabo za Israeli zinjiye mu cyicaro cyayo, zigategeka abagore n’abana guhunga n’amaguru bajya i al-Mawasi, nubwo hari imirwano iharangwa. Abagabo, barimo n’abakozi ba OMS, barafashwe, bategekwa kuryama hasi, bamburwa imyambaro, barababazwa ndetse baterwa ubwoba n’izo ngabo.
Mu itangazo rya OMS, yacishije ku rubuga rwayo rwa X (Twitter), yavuze ko abakozi babiri bayo n’abagize imiryango yabo bafashwe ku ngufu. Umwe muri bo akaba acyari mu maboko ya Israeli.
Dr. Tedros Adhanom Ghebreyesus, Umuyobozi Mukuru wa OMS, yasabye ko uwo mukozi arekurwa ako kanya, kandi ko abakozi bayo bagomba kurindwa nk’uko amategeko mpuzamahanga abiteganya.
Muri Deir al-Balah, aho ibyo bitero byabereye, habarizwa abantu ibihumbi bahunze imirwano imaze amezi 21. Bamwe bahungiye mu burasirazuba n’amajyepfo, bitewe n’amabwiriza ya Israeli yo kwimura abaturage, ivuga ko igamije gusenya ibirindiro bya Hamas.
Ariko nanone aka gace twibuke neza ko ari igicumbi cy’imfashanyo, n’aho ubuzima bw’abaturage buri mu marembera. Ariko OMS ivuga ko urwego rw’ubuzima muri Gaza “ntambaraga rugifite muguhangana n’ibibazo”: ndetse bimwe mubikoresho bitakibonekera igihe birimo lisansi, miti, n’ibikoresho by’ubuvuzi bw’ibanze, kandi ko abakomeretse n’indembe bakomeje kwiyongera.
Ububiko bukuru bw’OMS bwari mu gace kari kagenwe kwimurwamo, bwangiritse ku Cyumweru tariki 20, kubera igisasu cyateje inkongi n’iturika.
Stéphane Dujarric, umuvugizi wa Loni, yavuze ko amazu abiri ya UN yagabweho ibitero. Yogeyeho ko ingabo za Israeli zari zamenyeshejwe aho ibikorwa bya UN biri, kandi ko ayo mazu atagomba kwibasirwa.
Umunyamabanga Mukuru wa UN, António Guterres, yavuze ko ababajwe bikomeye n’uko ibikorwa by’ubutabazi bikomeje kwagizwa, asaba ko Israel yor ohereza imfashanyo n’ubutabazi.
Ishami rya UN ryita ku mpunzi z’Abanya-Palestina (UNRWA) ryatangaje ko ibiciro by’ibiribwa byiyogereye cyane. Navuga ko bafite ibiribwa bihagije hanze ya Gaza bishobora gutunga abaturage bayo mu gihe kirenga amezi atatu, ariko hakaba hari inzitizi zkomeye mu byinjiza.
UNRWA yasabye ko “ hatagwa ubufasha bw’umutekano kugirango imfashanyo ibone uko yinjira mu gihugu.”
Mu bice bitandukanye bya Gaza, hagabwe ibitero bikomeye. Abaganga batangaje ko mu nkambi ya al-Shati, byibuze abantu 12 bahitanwe n’ibyo bitero, abandi benshi barakomereka nyuma y’uko tanki za Israel zirashe.
Minisiteri y’Ubuzima ya Gaza yatangaje ko Marwan Al-Hams, ukuriye ibitaro akaba n’umuvugizi wa Minisiteri, yafashweho imbohe na basirikare ba Israel ubwo barasaga hafi y’ikigo cya Croix-Rouge Mpuzamahanga. Ndetse n,umunyamakuru Tamer al-Zaanein akabahitanywe n’icyo gitero, abandi barakomereka.
Umuvugizi wa Croix-Rouge yavuze ko bakiriye inkomere ariko ntacyo yatangaje ku buzima bwabo, anagaragaza impungenge z’umutekano w’ikigo cyabo cy’ubuvuzi.
Ku wa Mbere, ibihugu bisaga 30 byo mu Burengerazuba bw’Isi byasohoye itangazo risaba ko imirwano ihita ihagarara. Byagaragaje impungenge ku mibereho y’abaturage ba Gaza, ivuga ko ububabare bugeze ku rwego rukomeye.
Minisitiri w’Ububanyi n’Amahanga wa Israeli, Gideon Saar, yamaganye iryo tangazo avuga ko igitutu gikwiye gushyirwa kuri Hamas. Naho Ambasaderi wa Leta nzuze ubumwe z’Amerika, Mike Huckabee, we yavuze ko iryo tangazo ari “ibiteye iseseme.”
