U Rwanda rwatangiye kubona umusaruro w’inkingo za Covid-19 aho ubu zagabanyije ku buryo bugaragara ubwandu bwa Covid-19.
Nibyo byatumye n’ingamba zoroshywa ku bantu binjiye mu gihugu baturutse mu mahanga, aho ubu abakingiwe batazongera gusabwa kujya mu kato.
Inama y’Abaminisitiri yateranye ku wa 13 Ukwakira 2021 niyo yafashe uwo mwanzuro. Umunyamabanga wa Leta muri Minisiteri y’Ubuzima, Dr Mpunga Tharcisse, yatangaje ko uyu mwanzuro wafashwe nyuma y’aho bigaragariye ko benshi mu bakingiwe baba bafite ibyago bike byo kwandura.
Ati “Abazajya binjira batagiye mu kato ni abazajya bagera mu gihugu barakingiwe, bitewe n’uko ibihugu byinshi bigeze ku kigero cyo hejuru mu gukingira kandi no mu bipimo dufata dusanga abantu benshi bakingiwe nta bwandu bwinshi bu bubagaragaramo.”
Mpunga yavuze ko uyu mwanzuro utavuze ko mu gihe kiri imbere abantu batarakingirwa batazemererwa kwinjira mu Rwanda gusa bo bazajya basabwa kujya mu kato.
Kuva muri Werurwe ubwo u Rwanda rwatangiraga ibikorwa byo gukingira Covid-19, abamaze guhabwa doze ya mbere y’urukingo ni miliyoni 2,7 mu gihe abakingiwe byuzuye bo ari miliyoni 1,7.
Umujyi wa Kigali wamaze gukingira hafi ibyiciro byose by’abaturage bose bemerewe guhabwa urukingo, ni ukuvuga abantu bari hejuru y’imyaka 18 y’amavuko.
Ubu amaso yerekejwe mu bindi bice by’igihugu. Guhera muri iki cyumweru, uturere twose twashyikirijwe inkingo, abadutuye basabwa kwikingiza kugira ngo ubuzima bwabo buce ukubiri no kwandura Covid-19.
Intego ni uko mu mpera z’uyu mwaka 35% by’abaturarwanda bazaba bamaze gukingirwa kandi inkingo zizakoreshwa kugira ngo bigerweho zamaze kuboneka.
Ati “ Inkingo zirahari kandi zirakomeza kuza.”
Mu bamaze gukingirwa, nta muntu n’umwe uragira ikibazo ngo wenda uru rukingo rumutere ibibazo bikomeye byatuma ubuzima bwe bujya mu kaga. Ni mu gihe kandi no mu bantu 1312 bamaze kwicwa na Covid-19 nta n’umwe wapfuye yarakingiwe.
Mpunga yabisobanuye ati “Mu bantu barenga miliyoni ebyiri, nta muntu uragira ikibazo kandi biragaragara ko zikingira. Nta muntu urapfa wishwe na Covid-19 kandi yarakingiwe.”
Ingamba zo kwirinda Covid-19 mu gihugu zikomeje koroshywa aho amasaha y’ingendo yashyizwe saa sita z’ijoro, bwa mbere kuva muri Werurwe 2020 iki cyorezo cyageraga mu gihugu.
Ibikorwa byinshi byari byarafunzwe nabyo bikomeje gukomorerwa, gusa ntibivuze ko ubwandu bwashize kuko nka Kigali ifite buke buri kuri 0,3% mu gihe mu ntara hari aho buri kuri 5%.
Uturere dufite imirenge irimo ubwandu buri hejuru ni Gicumbi, Kirehe, Karongi, Kamonyi na Ngororero. Bibarwa ko mu mirenge imwe yatwo buri ku 10% kubera ukudohoka mu ngamba zo kwirinda.
Mu Mujyi wa Kigali, ubwandu bwa Covid-19 buri kuri 0,3%. Ni umusaruro wo kuba benshi mu bawutuye barakingiwe
Inkingo zikomeje gutangwa ku bwinshi mu gihugu, ubu imbaraga nyinshi zashyizwe mu ntara
U Rwanda rwatangiye kubona umusaruro w’inkingo za Covid-19 aho ubu zagabanyije ku buryo bugaragara ubwandu bwa Covid-19.
Nibyo byatumye n’ingamba zoroshywa ku bantu binjiye mu gihugu baturutse mu mahanga, aho ubu abakingiwe batazongera gusabwa kujya mu kato.
Inama y’Abaminisitiri yateranye ku wa 13 Ukwakira 2021 niyo yafashe uwo mwanzuro. Umunyamabanga wa Leta muri Minisiteri y’Ubuzima, Dr Mpunga Tharcisse, yatangaje ko uyu mwanzuro wafashwe nyuma y’aho bigaragariye ko benshi mu bakingiwe baba bafite ibyago bike byo kwandura.
Ati “Abazajya binjira batagiye mu kato ni abazajya bagera mu gihugu barakingiwe, bitewe n’uko ibihugu byinshi bigeze ku kigero cyo hejuru mu gukingira kandi no mu bipimo dufata dusanga abantu benshi bakingiwe nta bwandu bwinshi bu bubagaragaramo.”
Mpunga yavuze ko uyu mwanzuro utavuze ko mu gihe kiri imbere abantu batarakingirwa batazemererwa kwinjira mu Rwanda gusa bo bazajya basabwa kujya mu kato.
Kuva muri Werurwe ubwo u Rwanda rwatangiraga ibikorwa byo gukingira Covid-19, abamaze guhabwa doze ya mbere y’urukingo ni miliyoni 2,7 mu gihe abakingiwe byuzuye bo ari miliyoni 1,7.
Umujyi wa Kigali wamaze gukingira hafi ibyiciro byose by’abaturage bose bemerewe guhabwa urukingo, ni ukuvuga abantu bari hejuru y’imyaka 18 y’amavuko.
Ubu amaso yerekejwe mu bindi bice by’igihugu. Guhera muri iki cyumweru, uturere twose twashyikirijwe inkingo, abadutuye basabwa kwikingiza kugira ngo ubuzima bwabo buce ukubiri no kwandura Covid-19.
Intego ni uko mu mpera z’uyu mwaka 35% by’abaturarwanda bazaba bamaze gukingirwa kandi inkingo zizakoreshwa kugira ngo bigerweho zamaze kuboneka.
Ati “ Inkingo zirahari kandi zirakomeza kuza.”
Mu bamaze gukingirwa, nta muntu n’umwe uragira ikibazo ngo wenda uru rukingo rumutere ibibazo bikomeye byatuma ubuzima bwe bujya mu kaga. Ni mu gihe kandi no mu bantu 1312 bamaze kwicwa na Covid-19 nta n’umwe wapfuye yarakingiwe.
Mpunga yabisobanuye ati “Mu bantu barenga miliyoni ebyiri, nta muntu uragira ikibazo kandi biragaragara ko zikingira. Nta muntu urapfa wishwe na Covid-19 kandi yarakingiwe.”
Ingamba zo kwirinda Covid-19 mu gihugu zikomeje koroshywa aho amasaha y’ingendo yashyizwe saa sita z’ijoro, bwa mbere kuva muri Werurwe 2020 iki cyorezo cyageraga mu gihugu.
Ibikorwa byinshi byari byarafunzwe nabyo bikomeje gukomorerwa, gusa ntibivuze ko ubwandu bwashize kuko nka Kigali ifite buke buri kuri 0,3% mu gihe mu ntara hari aho buri kuri 5%.
Uturere dufite imirenge irimo ubwandu buri hejuru ni Gicumbi, Kirehe, Karongi, Kamonyi na Ngororero. Bibarwa ko mu mirenge imwe yatwo buri ku 10% kubera ukudohoka mu ngamba zo kwirinda.
Mu Mujyi wa Kigali, ubwandu bwa Covid-19 buri kuri 0,3%. Ni umusaruro wo kuba benshi mu bawutuye barakingiwe
Inkingo zikomeje gutangwa ku bwinshi mu gihugu, ubu imbaraga nyinshi zashyizwe mu ntara
