Mu masaha meke ashize muri Australiabatangaje Iserukiramuco rya Strummingbird, n’Iserukiramuco ryatumiwemo abahanzi mpuzamahanga, barimo ibyamamare bibiri bikomeye: Jelly Roll na Shaboozey, bazaririmba ku munsi wa mbere w’iri serukiramuco.
Iri serukiramuco ryatangajwe mu byumweru bishize, ryatangajwe ko rizabera muri Australia hagati mu kwezi k’Ukwakira no mu ntangiriro za Ugushyingo, aho hazabera ibitaramo bitatu mu mijyi ya Sunshine Coast, Newcastle, na Perth.
Kuri uyu wa Kane, tariki 31 Nyakanga (ku isaha ya Australia), hatangajwe urutonde rw’abahanzi bazaririmba muri Strummingbird, ruyobowe na Jelly Roll na Shaboozey, aho bazaririmbira muri Australia ku nshuro yabo ya mbere.
Aba bahanzi bombi bamenyekanye cyane muri Australia mu gihe gito gishize. Shaboozey yamenyekanye cyane kubera indirimbo ye yise “A Bar Song (Tipsy)”, yamamaye cyane muri 2024 ikaba yarageze ku mwanya wa mbere ku rutonde rwa ARIA Singles. Naho Jelly Roll yageze ku mwanya wa 19 ku rutonde rwa ARIA Albums muri 2024, abikesheje album ye nshya yitwa Beautifully Broken.
Gushyirwa kw’aba bahanzi ku rutonde rw’abazitabira iri serukiramuco byabaye mu gihe cya amezi make bamaze gushyira hanze indirimbo bahuriyemo yitwa “Amen”. Gusa kugeza ubu, ntiharamenyekana niba bazayiririmbana bari kumwe mu gihe bazaba muri Australia.
Urutonde rw’abahanzi rukomeza rugaragaza amwe mu mazina akunzwe muri Amerika no muri Australia, harimo Treaty Oak Revival wo muri Texas, Drew Baldridge wo muri Illinois, Julia Cole wo muri Tennessee, ndetse n’itsinda The Jack Wharff Band ryo muri Virginia, bose bakazava muri Leta Zunze Ubumwe za Amerika baje kuririmbira muri Australia.
Abahanzi b’imbere mu gihugu na bo bahawe umwanya, barimo James Johnston, Wade Forster, Kaylee Bell, Matt Hansen, The Dreggs n’abandi benshi.
Mu ijoro ry’iri serukiramuco, hazabaho impinduka nto ku myidagaduro bitewe n’umuhanzi uzwi cyane mu bitaramo bikomeye, Hot Dub Time Machine, uzashyira umwihariko wa “country na rock-and-roll” mu buryo bwe bwa DJ set. Hanazaba umushinga wa Y.O.G.A., ukorwa na Reuben Styles, umwe mu bagize itsinda Peking Duk ryegukanye ibihembo bya ARIA.
Strummingbird iteguwe na Kicks Entertainment ifatanyije na Live Nation, aba bakaba basanzwe bategura iserukiramuco rikomeye rya Spilt Milk, rizazenguruka Australia muri Ukuboza, rikazanitabirwa n’abahanzi b’ibyamamare nka Kendrick Lamar, Doechii n’abandi.
Impinga
