Mu mikino ya FIFA Series 2026 iri kubera i Kigali, ikipe y’igihugu ya Tanzania yatunguwe itsindwa na Liechtenstein igitego 1-0.
Umukino watangiye ku muvuduko wo hejuru, Tanzania isatira cyane aho ku munota wa 7, Fei Toto yahaye umupira mwiza Mwalimu Selemani, (uburyo bwiza bwapfushijwe ubusa ) ariko arawuhusha.
Yakomeje gusatira ari na ko irema uburyo bwinshi bw’ibitego, gusa kubyaza umusaruro ayo mahirwe bikomeza kuyigora.
Liechtenstein yihanganye ibona igitego bigoranye
Nubwo Tanzania yari ifite umukino mu biganza, Liechtenstein na yo yagiye ibona uburyo bucye ariko bufatika.
Ku munota wa 42, Saglam Ferhat yagerageje ishoti rikomeye, ( uburyo bwa mbere bufatika ) ariko umupira unyura hejuru gato y’izamu.
Mu gice cya kabiri, ku munota wa 56, Ferhat Saglam yongeye kugerageza amahirwe maze atsinda igitego, ( igitego cyahinduye umukino ) cyahesheje intsinzi ikipe ye.
Tanzania yakomeje kugerageza ariko amahirwe ntiyayihira
Nyuma yo gutsindwa, Tanzania yakoze impinduka zitandukanye ishaka kwishyura, ishyiramo abakinnyi barimo Abraham Morice.
Uyu na we yagerageje ishoti rikomeye ku munota wa 68, ( umunyezamu akomeza kwitwara neza ) ariko umunyezamu wa Liechtenstein aratabara.
Umukino warangiye Liechtenstein itsinze Tanzania 1-0, ihita igera ku mukino wa nyuma hamwe na Aruba, mu gihe Tanzania izahatanira umwanya wa gatatu na Macau nayo yatsinzwe 4-1 na Aruba.
