Kuri uyu wa Gatatu tariki ya 11 Gashyantare 2026, hiriwe hakwirakwizwa mamashusho ku mbuga nkoranyambaga agaragaza abakinnyi b’ikipe ya Arsenal bari kubyiana indirimbo “Marocco” y’umuhanzi w’icyamamare muri Uganda Joshua Baraka, mu gihe bari mu myitozo bitegura umukino wa UEFA Champions League bazahurimo n’ikipe yo mu Budage
Ni umukino ubanza w’icyiciro cya 1/8 cy’irangiza(Round of 16) ukaba uzabera mu Budage, y’umukino ukaba ufite inyungu nyinshi ku mpande zombi mu rugendo rwo gushaka itike ibageza mu cyiciro gikurikira no kongera kubona amahirwe yo kwegukana igikombe cya Champions League.
Muri ayo mashusho, umutoza wa Arsenal MikelArteta hamwe n’abakinnyi barimo BukayoSaka, DeclanRice, MarliSalmon, NoniMadueke na LeandroTrossard, bagaragaye bakora imyitozo yabo banumvaga indirimbo “Morocco” ya Joshua Baraka.
Aya mashusho yasangijwe bwa mbere ku rubuga rwa Snapchat n’umujyanama wa Joshua Baraka witwa Lobstar, ayo mashusho yahise akwirakwira ku mbuga nkoranyambaga zitandukanye zirimo TikTok na Instagram.
Abakunzi b’umuziki muri Uganda bashimye cyane Baraka n’itsinda bakorana, bavuga ko bakomeje kumenyekanisha umuziki wo muri Uganda ku rwego mpuzamahanga, cyane cyane ko yanaririmbiye ku rubyiniro mpuzamahanga, kandi indirimbo ze zikaba zikomeje kumvwa cyane hirya no hino ku Isi.
