Umuhanzikazi w’Umunya-Uganda Spice Diana yatangaje ko yumva igihe cye cyo gushyira ku mugaragaro urukundo rwe cyegereje, cyane cyane nyuma yo kubona bagenzi be b’abahanzi b’abagore batangira kurushinga no kwambikana impeta.
Ibi abivuze nyuma yo kwitabira ibirori byo byo gufata irembo (introduction) bya Chosen Becky, ndetse no kwambikana impeta rya Carol Nantongo, rikazakurikirwa n’ibirori bya kukyala biteganyijwe kubera kuri uyu wa Gatatu.
Spice Diana yavuze ko kubona inshuti ze zishyingirwa byamuhaye umwanya wo gutekereza ku rugendo rwe rw’urukundo.
Uyu muhanzikazi, wanaririmbiye mu birori bya Becky, yashimagije uburyo Becky akunda umukunzi we Ssekajja, anamusaba gukomeza kumwubaha no gukomeza gushikama mu rukundo rwabo.
Yagize ati: “Ndakundira cyane ukuntu Becky akunda Ssekajja. Akwiye gukomeza kumwubaha no kumwitaho.”
Spice Diana yakomeje avuga ko we n’inshuti ze bakunze kuganira ku bijyanye no gushinga urugo, kandi ko kubona Carol Nantongo afashe icyemezo cyo kwinjira mu bijyanye n’ingo mu gihe yari yaravuze ko atazigera arushinga. Byamweretse ko burya buri wese agira igihe cye.
Ati: “Buri kintu kigira igihe cyacyo kandi buri muntu afite ihahiro rye. Carol yavugaga ko adashobora kujya mu by’ingo, ariko none dore igihe cye kigeze; nanjye kizagera.”
Ikintu cyatunguye benshi ni uko Spice Diana yavuze ko adateze umukunzi w’igihe kizaza hashingiwe ku kuba yaba ari ingaragu cyangwa afite undi mugore. Yemeza ko atazi uwo Imana yamugeneye, bityo ntakwiye gufunga amarembo ku mahirwe atandukanye.
Yagize ati: “Sinzi ubwoko bw’umugabo Imana yanteguriye—ashobora kuba Umusilamu, Gatolika, cyangwa se afite undi mugore. Icy’ingenzi ni ibyishimo n’urukundo mufitanye; ibindi ni urusaku rutagira icyo rumaze.”
Amagambo ye yakomeje gutera impaka ku mbuga nkoranyambaga, bamwe bamushima ku bw’ubwisanzure mu bitekerezo bye, abandi bakavuga ko gutera intambwe yo kurongorwa n’umugabo ufite undi byateza amakimbirane mu muryango.
Nyamara, Spice Diana we avuga ko icy’ingenzi ari ugushaka amahoro n’ibyishimo mu buzima, uko byagenda kose.
